04/03/2014 00:03:30

De Biasi: Largimi i futbollistëve kosovarë? Do bisedoj vetë më ta!

Kombëtarja do të mbështetet te një grup më i vogël lojëtarësh për kualifikueset e Euro 2016

HermesNews - Kombëtarja do të mbështetet te një grup më i vogël lojëtarësh për kualifikueset e Euro 2016. Gianni De Biasi do ta vendosë përfundimisht në miqësoret që do të zhvillojë përgatitore duke nisur që me Maltën të mërkurën.

Trajneri do të bisedojë dhe me futbollistët kosovarë që luajnë me Kuqezinjtë që duhet ta saktësojnë se a do të jenë pjesë e përfaqësueses Shqiptare për këto eliminatore.

Gianni De Biasi: Ndeshja me Maltën do jetë e para që do të ndihmojë për të ngritur grupin e futbollistëve që do të jenë në këto kualfikuese. Unë do të shikoj në këtë sfidë mesfushënd he sulmin dhe si të përmirësohemi teknikisht. Sa për futbollistët me origjinë kosovare unë do të bisedoj me ta dhe do t’i kërkoj të vendosin a do të jenë me ne në Euro 2016.

Samir Ujkani është larguar nga kombëtarja. Lorent Sadiu do të luajë vetëm në një ndeshje me kombëtaren e Kosovës dhe do të rikthehet. Ndërsa kapiteni, Cana e ka bërë të qartë se nuk do të largohet, duke u shprehur se ka vetem një kombëtare.

Përsa i përket miqësores me Malten, Gianni De Biasit do t’i mungojnë, Armado Vajushi dhe Granit Xhaka të dy të dëmtuar, ndërsa për Armend Dallkun trajneri thotë se shanset që te jetë pjesë e ekipit janë të pakëta. Gjatë konferencës, De Biasi ka prezantuar edhe stafin e tij. Një nga ndihmësit është ish-kapiteni i Kombëatres, Altin Lala.

Miqësorja Shqipëri - Maltë do të luhet të mërkurën në oren 18:00 në stadiumin e Durrësit.

Arbër Meçenovi

Dërgo me email | Stampo artikullin